Este é o libro que lemos alternativamente nos dous clubes de lectura.
En xeral o libro provocou moitos debates, posto que nos permitiu falar de temas tan importantes como o amor, a sexualidade, a eutanasia, o control da natalidade, a necesidade da memoria e incluso da dor no noso mundo.
As opinións foron variopintas, posto que aínda que hai elementos do noso mundo que nos gustaría eliminar, non todos coincidiamos en cales serían os mellores para todos, posto que de tal eliminación pode xurdir o control por parte dun grupo que exerza o poder, a falta de liberdade, a eliminación dos sentimentos. Todos estivemos de acordo en que sería utópico crear un mundo ó noso xeito e onde non existise ningún mal, pero tal feito suporía a perda da nosa identidade como persoas capaces de aprender e convivir con outros que pensen de modo distinto.
No hay comentarios:
Publicar un comentario