Club de lectura de 1º ESO

A rapazada de 1ºESO fixo este ano lecturas moi interesantes, sobre as que comentaron distintos aspectos e tamén xogaron cos seus personaxes: fixéronse pasar por eles, buscaron actores e actrices ós que lles acaese ben facer ese papel, imaxinaron portadas distintas para o libro…

Ademais, como sempre tentamos buscar algún libro que forme parte dunha triloxía, para que aqueles que non se contente con ler un so libro continúen acompañando ós personaxes nas súas posteriores aventuras. Un dos libros que máis gustou foi o de Skulduggery, ese detective tan simpático que nos divirte tanto. Pero non nos quedamos só con el. Aí van todos os que lemos este curso.